• могілкі

Комплекс старых гродзенскіх могілак (праваслаўных і каталіцкіх) – гэта самыя старыя камунальныя могілкі на тэрыторыі Рэспублікі Беларусь. Аб’ект закладзены прыкладна ў той самы час, што Павонзкаўскія (Польшча), Лычакаўскія (Украіна) могілкі і могілкі Роса ў Літве.

На могілках пахаваны прадстаўнікі розных прафесійных і сацыяльных груп насельнітва Гродна канца 18 – першай паловы 20 ст.: пісьменніцы Эліза Ажэшка і В. Зындрам-Касцялкоўская, побач з капліцай знаходзіцца квартал, у якім пахавана каталіцкае духавенства, напрыклад ксёндз Францішак Грынкевіч (кіраўнік гуртка беларускай моладзі 1909-1912), кс. францішканін М. Фордан, а таксама пахаванні манашак брыгідак і назарэтанак,  чыноўнікі (віцэ-губернатары К. Максімовіч, Е. Яневіч-Янеўскі, прэзідэнт Гродна пачатку 20-х гадоў 20 ст. Э. Лістоўскі), дактары (К. Дамброўскі, Я. Сухадольскі, І. Касцялкоўскі, А. Тальгейм), фармацэўты (С.К. Брынкер і М. кандратовіч), масоны (П. Сіманоўскі. В. Стычынскі, К. Крэйбіх), архітэктары (Ю. Сака, Я. Фордан), скульптары (Б. Шышкевіч), кавалі (Я. Гальскі, І. Сіліневіч), генералы расійскай арміі (Вэвэрн, Хамрат, Вацеўскі, Ланскі).

Прапануем гродзенцам і гасцям горада карту могілак, выкарыстоўваючы якую можна здзейсніць як віртуальную, так і сапраўдную (узброіўшыся тэлефонам з доступам да інтэрнэта) экскурсію.

• Назад