Вуліцы Гродна выбрукоўваюць галаваломнай бетоннай пліткай, ходнікі выкладаюць гранітам, між тым слаўныя помнікі гарадзенскай архітэктуры не гледзячы на ўсе абяцанкі, пакрысе развальваюцца.

У выніку моцных дажджоў і ветру, што былі на выходных, абваліўся кавалак сценкі адной з пабудоў Старога замка. Развалілася сценка вышынёй каля 5 метраў і шырынёй прыкладна 4 метры. Кавалак руіны навісае над схілам гары з боку Гараднічанкі. Па схілах гары раскідана некалькі кубаметраў цэглы. Па трэшчынах, якімі пакрытыя сцены Замка і уваходная брама, можна толькі здагадвацца, колькі яны прастаяць і калі разваляцца, пакрыўшы несмяротнай ганьбай усіх, хто дзесяцігоддзямі гаворыць пра тое, што Стары замак хутка будзе выглядаць як у часы Стэфана Баторыя.

Scroll to top