| Шырма Рыгор Раманавіч 8 (21).01.1892 – 23.03.1978
адзін з рэдактараў часопісу «Летапіс ТБШ», стваральнік у Вільні двух беларускіх хораў, збіральнік народных песень, кіраўнік Беларускага дзяржаўнага ансамбля песні і пляскі, старшыня праўлення Саюзу кампазітараў БССР
Псеўд.: Р.Баравы, Вучыцель
З сялянскай сям’і в. Шакуны Пружанскага пав. Гродзенскай губ. Атрымаў пачатковую хатнюю адукацыю. Скончыў Пружанскае гарадское вучылішча. У 1911-1912 гадах праслухаў настаўніцкія курсы ў Свянцянах. Працаваў настаўнікам. Паступіў у Седліцкі настаўніцкі інстытут, разам з якім у пачатку Першай сусветнай вайны эвакуяваўся ў Яраслаўль. У 1916 годзе быў мабілізаваны ў войска. Скончыў Чугуеўскае вайсковае вучылішча на Харкаўшчыне. У званні прапаршчыка быў накіраваны ў Туркестан. З 1919 года выкладаў літаратуру ў Новагольскай школе Хапёрскага павету Варонежскай губерні. У 1922 годзе вярнуўся на радзіму. Нейкі час працаваў лесарубам у Белавежскай пушчы. Прыняў удзел у рабоце Беларускага выбарчага камітэту на Пружаншчыне. У 1924 годзе стварыў у Пружанах беларускі хор, стаўшы ягоным кіраўніком і дырыжорам. У 1926 годзе пераехаў у Вільню ў якасці настаўніка спеваў і выхавацеля ў інтэрнаце Віленскай беларускай гімназіі. Сябра Цэнтральнага сакратарыяту БСРГ. З 1928 па 1937 гады сакратар Галоўнай управы ТБШ. З 1933 года адзін з рэдактараў часопісу «Летапіс ТБШ», пазней - «Беларускі летапіс». Стварыў у Вільні два беларускіх хоры. Наладжваў беларускія музычныя перадачы на польскім радыё, канцэрты, запісаў больш за 2 тысячы народных песень. Двойчы арыштоўваўся польскімі ўладамі. З 1940 па 1970 год кіраваў Беларускім дзяржаўным ансамблем песні і пляскі, які з 1957 года стаў называцца Дзяржаўнай акадэмічнай капэлай БССР. Старшыня праўлення Саюзу кампазітараў БССР. Выбіраўся дэпутатам Вярхоўнага Савета БССР. Узнагароджаны шэрагам савецкіх ордэнаў.
Быў у Гродне на павятовым з’ездзе ТБШ 12 ліпеня 1928 года. Восенню 1929 года некалькі тыдняў жыў у в. Бераставічаны Гродзенскага павету, дзе запісваў народныя песні. У 1930 годзе праз некаторы час жыў у в. Рудаўляны каля Гродна, дзе так сама збіраў песенную народную творчасць. З 1944 па 1952 гады жыў у Гродне. Кіраваў Беларускім дзяржаўным ансамблем песні і пляскі. У канцы 1940-х гадоў друкаваўся ў мясцовай газеце “Гродзенская праўда”.
Поўны спіс імёнаў
Апошнія каментарыі:
|
|
to zet000 Ганарыцца - прынамсі памятаць і паспрабаваць зразумець. Аднак і даваць ацэнку ўсяго, што было зроблена. А наконт паганцаў... Я амаль упэўнены, што Вам на самой справе напляваць на Другую Сусветную. Інакш, Вы б не карысталіся нацыскай лексікай! |
|
|
"1944 годзе быў абраны сябрам Беларускай цэнтральнай рады. Быў генеральным інспектарам «беларускага вызваленчага войска», якое фарміравалася на тэрыторыі Германіі." - круто??????????????!!!!!!!есць чым ганарыцца, яўэ ўспомніця пра СС Беларусь ...паганцы беларутэны |
|
|
Дзякуй вялікі, можа напішаце які матэрыльчык пра Льва Бакста кароценькі. вывесім на нашым сайце. |
Праглядзець усе выказванні (Усяго 12)
|
|