Данілюк Тодар Васілевіч 12.08.1877 – 29.07.1960 сябра Ваўкавыскага БНК, лейтэнант Беларускай краёвай абароны, адзін з ініцыятараў аднаўлення БАПЦ на эміграцыі Нарадзіўся ў в. Сурынка Слонімскага павета. Скончыў духоўную семінарыю пры Жыровіцкім манастыры. Працаваў настаўнікам, псаломшчыкам. Са жніўня 1914 года быў у войску. Скончыў Гатчынскую вайсковую школу. У жніўні 1917 года ўдзельнічаў у з’ездзе беларусаў-вайскоўцаў у Маскве. З кастрычніка 1917 года на Румынскім фронце, камісар 4-га беларускага корпусу. пасля дэмабілізацыі якога ў красавіку 1918 года выехаў у Таганрог, дзе на той момант жыла ягоная сям’я. У верасні 1918 года разам з сям’ёй вярнуўся ў в. Вярэйкі Ваўкавыскага павету. У снежні 1918 года выступіў адным з арганізатараў сялянскага павятовага з’езду ў Ваўкавыску. На з’ездзе была створана Ваўкавыская беларуская сялянская павятовая рада, старшынём якой ён быў абраны. Сябра Ваўкавыскага БНК. З 1 мая 1919 па 23 (28) мая 1920 года служыў у літоўскім войску, дзе атрымаў званне лейтэнанта, у тым ліку – у беларускім конным эскадроне ў горадзе Алітас. У маі 1920 года па заданню прадстаўніцтва БНР у Коўне Т. Данілюк нелегальна перабіраецца ў Мінск. Быў залічаны рэзервовым афіцэрам БВК. У час летняга наступлення Чырвонай Арміі заставаўся на Слонімшчыне, але быў арыштаваны бальшавікамі. Восенню 1920 года знаходзіўся ў складзе БВК у Лодзі. Удзельнік Слуцкага паўстання ў лістападзе 1920 года. Пасля ліквідацыі БВК вярнуўся да сваёй сям’і ў в. Вярэйкі, дзе заняў пасаду псаломышчыка ў мясцовай царкве. У 1922 – 1939 гадах служыў настаяцелям прыходаў на Слонімшчыне і Навагрудчыне. У 1936 годзе быў арыштаваны польскімі ўладамі на 6 месяцаў. У 1939 годзе арыштоўваўся органамі НКУС. У жніўні – верасні 1942 года ад Навагрудскай епархіі ўдзельнічаў у саборы беларускага духавенства ў Мінску, на якім была абвешчана БАПЦ. Летам 1944 года выехаў у Германію. Лейтэнант Беларускай краёвай абароны. Працаваў на фабрыке, чыгунке і інш. Адзін з ініцыятараў аднаўлення БАПЦ на эміграцыі, удзельнік царкоўнага сабору ў Канстанцы ў 1948 годзе. З 1950 года ў ЗША. Стваральнік і настаяцель парафіі БАПЦ св.Кірылы Тураўскага ў Брукліне (Нью-Йорк). Сябра епархіяльнай управы БАПЦ у ЗША і Канадзе, кіраўнік царкоўна-судовага аддзелу епархіі. Пахаваны на беларускіх могілках у Нью-Брансвіку каля Нью-Йорку. Аўтар успамінаў «Мае ўспаміны аб службе ў беларускіх вайсковых фармацыях і ўдзеле ў беларускім збройным змаганьні. 1917 – 1921». Магчыма, 15-16 снежня 1918 года ўдзельнічаў у Гродзенскім беларускім сялянскім з’ездзе. 31 снежня 1918 года зноў прыехаў у Гродна разам з К.Цярэшчанкам і А.Борыкам. У студзені 1919 года – малодшы афіцэр 1-га Гродзенскага беларускага палку. Быў прыкамандзіраваны да Гродзенскай камендатуры ў распараджэнне капітана М. Дзямідава. У лютым 1919 года ў якасці вярбоўшчыка ў беларускі полк паехаў у В.Бераставіцу, дзе быў арыштаваны палякамі (паводле ўласнага рапарту Т.Данілюк быў арыштаваны ў канцы сакавіка 1919 года ў Вярэйскай гміне). Сядзеў у Ваўкавыскай (па іншых дадзеных – Беластоцкай) турме з 1 па 20 красавіка, адкуль уцёк. Зноў у Гродне ў канцы красавіка 1919 года. Па загаду М. Дзямідава быў накіраваны ў Літву ў распараджэнне міністэрства беларускіх справаў пры літоўскім урадзе. 22 красавіка 1919 года склаў рапарт аб палажэнні на Гродзеншчыне. Восенню (канец кастрычніка – лістапад) 1920 года разам з іншымі беларускімі афіцэрамі дабіраўся праз Гродна ў Слуцк. Магчыма, зноў быў у Гродне ў канцы 1920 – пачатку 1921 года ў якасці афіцэру БВК па справах Гродзенскага беларускага батальёну. У сярэдзіне 1921 года скончыў у Гродне праваслаўныя курсы. 21 верасня (па іншых дадзеных – 24 верасня) 1921 года ў Гродзенскім кафедральным саборы быў пасвечаны епіскапам Уладзімірам у сан праваслаўнага святара. Магчымай прычынай гэтага была смерць адзінай дачкі Глафіры. Поўны спіс імёнаў Дадаць каментарый Імя*: E-mail: Каментарый*: два чатыры адзін восем - увядзіце гэты код лічбамі (цифрами)* * - палі, абавязковыя да запаўнення Апошнія каментарыі: Marie 16-05-2008, 17:57 sajtawik! A czy chciałbyś, bu o Tobie mówili: ruski, czy białoruski - wszystko kacapy!? Przypuszczam, że NIE. Twoje porównanie Polaków do Rosjan wynika po prostu z marnej wiedzy historycznej i głowy naładowanej sowiecką propagandą. Życzę Ci powodzenia, bo przypuszczam, że na rzeczową dyskusję jeszcze za wcześnie... sajtawik 13-05-2008, 23:55 Prosze Pana (czy terz Panni) ostatniego komentatora zobaczyc rze te slowa pohodza z gazety 1920 roku wydania. TO JEST CYTATA. Prosze czytac texty uwarznej. Ale co sie tyczy moih pogladow na sprawie to jestem z ta cytata zgodny, malo co sie zmienilo. Dla mnie co polak, co moskal. Marie 12-05-2008, 15:52 "У Горадні бушавала польская чорная сотня, каторая, карыстаючыся з прыходу немцаў, захацела спалянізаваць гэтае спрадвечнае беларускае места і з гэтай мэтаю натужала ўсе свае сілы". Autorowi tego tekstu proponuje terapię w oddziale zamkniętym, albo od razu operację ucisku na mózg. Większych bzdur chyba nikt nigdy nie napisał. Okazuje się, że tak jak w czasach Orzeszkowej, tak i teraz NIC nie warto robić dla tak zwanych Białorusinów, bo i tak na koniec 'sviadomyja' kopną cię w tyłek. Праглядзець усе выказванні (Усяго 8)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў