Фота www.kamunikat.org Запрашаем на ўрачыстую прэзентацыю “Магдэбургскай Гародні”! Руху За Свабоду, 19 траўня 2008 года Мы чакалі гэтага амаль сем доўгіх месяцаў, але сёння, гучна, паведамляем вам - у сераду 21.05 у Гродна адбудзецца прэзентацыя “Магдэбургскай Гародні” - першай кнігі серыі “Гарадзенская бібліятэка”, выданне якой распачаў Гарадзенскі Рух “За Свабоду” Удзел у прэзентацыі возьме аўтар “Магдэбургскай Гародні” – Юры Гардзееў, ад’юнкт Інстытута Расіі і Усходняй Еўропы Ягелонскага універсітэта. Вы зможаце здабыць кнігу разам з подпісам аўтара! “Магдэбургская Гародня” Юры Гардзеева - першая ў Беларусі праца, прысвечаная сацыятапаграфіі беларускага горада. Шматгадовая скрупулёзная праца дазволіла аўтару стварыць унікальную для Беларусі кнігу, у якой з усёй магчымай паўнатой апісана развіццё горада як матэрыяльнага аб’екта з уваходам у гісторыю амаль кожнага пляца. Гэта сапраўды еўрапейскі ўзровень вывучэння еўрапейскай гісторыі беларускага горада. Пачатак прэзентацыі “Магдэбургскай Гародні” – серада, 21.05.2008, 18.30 па адрасе: Гродна, вул. Будзёнага 48а - 44 (памяшканне Таварыства Беларускай Школы). Запрашаем, уваход вольны! “Магдэбургская Гародня” – гэта 383 старонкі багата ілюстраванага тэксту, цвёрдая вокладка, даступная мова. Падрабязней пра “Магдэбургскую Гародню” - http://www.kamunikat.org/6465.html Даведка: Выдавецкая серыя “Гарадзенская бібліятэка” прысвячаецца той Гародні, якой мы можам ганарыцца. Яна будзе знаёміць з гісторыяй горада, свабоднай ад ідэалагічнай хлусні, з мастацкімі творамі і навуковымі працамі гарадзенцаў, якія сталі значным унёскам у культуру беларускага народу і нашых суседзяў. Яе кнігі будуць распавядаць пра людзей-стваральнікаў, якія ў розныя часы супрацьстаялі разбурэнню і знішчэнню, як бы гэта не называлася чарговымі ўладамі. Ганаровы патранат “Гарадзенскай бібліятэцы” ажыццяўляе лідэр Руху “За Свабоду” Аляксандр Мілінкевіч. Па ўсіх пытаннях, звязаных з “Гарадзенскай бібліятэкай” звяртайцеся на zasvabodu.hrodna@gmail.com Прэсавая служба Гарадзенскага Руху За Свабоду, zasvabodu.hrodna@gmail.com Дадаць каментарый Імя*: E-mail: Каментарый*: восем дзевяць чатыры нуль - увядзіце гэты код лічбамі (цифрами)* * - палі, абавязковыя да запаўнення

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў