Будуюцца кватэры "бізнэс-клясы" Прададзена зямля разам з народам Радыё Свабода, 1 лютага 2008 года Жыхароў двух старых дамоў у цэнтры Горадні высяляюць, каб пашырыць будоўлю. Фірма “Кансэнт” будуе побач кватэры “бізнэс-клясы”. Людзі абураныя, што іх высяляюць у старое жытло, а элітныя кватэры прадаюць па 950-1300 даляраў за квадратны мэтар. Сёньня а 10-й раніцы незадаволеных выклікалі на размову да старшыні аблвыканкаму Ўладзімера Саўчанкі. Карэспандэнт: “У Горадні ўзьнікла канфліктная сытуацыя: фірма “Кансэнт” будуе вялікі дом з элітным жыльлём, як было абвешчана. На месцы будоўлі былі зруйнаваныя некалькі старых дамоў, і цяпер будаўнікам спатрэбілася разбурыць яшчэ два, яны на вуліцы Антонава, 4а і 4б”. Жыхар: “Я ўсе свае сорак сем гадоў тут жыву, з 1961 году, на другім паверсе, на першым – мая маці, ёй 81 год. Яны спачатку хочуць мяне выселіць, а куды маці пашлюць – без паняцьця, а хто яе даглядаць будзе?” Карэспандэнт: “Хто гэта высяляе – фірма “Кансэнт” ці ўлады?” Другі жыхар: “Фірма “Кансэнт”, што за нашым домам свой будуе”. Першы жыхар: “Прыйшлі і адразу ў суд, на мяне ідзе разбор зь верасьня. Нам прапануюць “бамжатнік”: адзінаццаць тысяч кошт кватэры той, уяўляеце?” Жыхарка: “У гэтай фірмы зусім няправільныя мэтады работы зь беларускім народам, мы засталіся бяспраўныя. Калі гарвыканкам бурыць у цэнтральнай частцы гораду дамы на Савецкай, на Гарнавых, на Даватара, то людзям даюць новыя кватэры ў новых дамах. А нам вельмі не пашанцавала зь фірмай, якая ўціскае нашыя правы і глядзіць толькі свае камэрцыйныя інтарэсы”. Карэспандэнт: “Скажыце, а вас таксама праз суд высяляюць?” Жыхары, якіх высыляюць праз суд Другая жыхарка: “Так, таксама гэтак высяляюць, і, як казала суседка, вельмі крыўдна праз тое, што нашыя беларускія ўлады не абараняюць свайго народу, нашых правоў. Мы кінутыя людзі і наймаць адвакатаў ня можам, і на якой падставе павінны гэта рабіць?” Першая жыхарка: “Прададзена беларуская зямля разам з народам. Вельмі крыўдна, што яны гатовыя зьнесьці дамы, не цікавячыся, дзе мы будзем жыць. Гэта ўсё, што ў нас ёсьць. У нас тут пятае пакаленьне пачынае гадавацца ў гэтых дамах. У нас карані ў гэтую зямлю ўрасьлі”. Фірма “Кансэнт” была заснаваная ў 1993 годзе як расейска-беларуская, а сёньня называецца проста сумесным таварыствам з абмежаванай адказнасьцю “Кансэнт”. Тым ня менш у размове з нашым карэспандэнтам жыхары, якіх высяляюць, называлі фірму проста “расейскай”. Ён пацікавіўся, што думаюць наконт змаганьня жыхароў за свае кватэры ў самім “Кансэнце”. Яму адказалі, што пакуль нічога невядома і ўсё можа зьмяніцца пасьля размовы ў старшыні аблвыканкаму Саўчанкі. Карэспандэнт: “Скажыце, а хто зьбіраецца ісьці да Ўладзімера Саўчанкі ў аблвыканкам?” Галасы: “Усе!” Спадарыня: “Ідзем ўсе. Мы пісалі грамадзкі ліст ад жыхароў прэзыдэнту нашай краіны Лукашэнку. Таму, мы так думаем, напэўна, прыйшла нейкая папера, і таму нас выклікаюць. Дагэтуль нас ніхто не выклікаў”. Сяргей Астраўцоў Радыё Свабода Дадаць каментарый Імя*: E-mail: Каментарый*: сем два сем восем - увядзіце гэты код лічбамі (цифрами)* * - палі, абавязковыя да запаўнення Апошнія каментарыі: aleshka 07-02-2008, 13:35 Куды толькі коцімся?! І, праўда, усё ў нашай краіне робіцца па ўзгадненню з ЯГО ВЯЛІКАСЦЮ. Чаму нашыя людзі вядуцца?! Такія ўжо наіўныя. Затое можам радавацца, што ў будзе ў цэнтры горада "ЭЛІТНЫ РАЁН" з меснымі пантакалацільшчыкамі:) daroha 06-02-2008, 12:41 а, ціпа, яны без дазволу лукі гэта робяць... праз лужкова і луку праводзілі маскоўскі капітал у горадню - і гэтак па ўсёй краіне Ба-BY 05-02-2008, 16:22 Ну всё,всем беларусам на беларускай земле пришёл пипец...блин "усю краiну прадалi маскалям", уважаемые земляки может все таки не надо "интерес кармана" гродненских чиновников переводить в политическую плоскость,а то честное слово как куры на насесте кудахчите...,может практичней "гэтым бедным людзям" помочь юр.консультацией или телефоном грамотного юриста.?. Праглядзець усе выказванні (Усяго 5)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў