Галерэя “Горадня на старых паштоўках і фотаздымках” На галоўную Гэтай галерэяй мы адкрываем новую рубрыку сайта “Горадня на старых паштоўках і фотаздымках”. Тут мы будзем размяшчаць выявы тых мясцінаў нашага горада, якія або не захаваліся ўвогуле, або дайшлі да нас у вельмі змененым выглядзе. Кожны з вас зможа ажыццявіць віртуальную вандроўку па горадзе, падыхаць яго паветрам, паглядзець на старую Фару Вітаўта, палац Радзівілаў ці Ратушу, пастаяць на рознакаляровым і няроўным, як жыццё беларуса, бруку, апынуцца недзе там, у стогадовай мінуўшчыне. Мы верым, што Вам захочацца бачыць наш горад менавіта такім, або прынамсі падобным да такога, дзе спалучаны найлепшыя здабыткі мінулага і дасягненні сучаснага. Калі ласка, уважліва паглядзіце на гэтыя паштоўкі і прачытайце надпісы пад імі. Паштоўкі і фотаздымкі, якія будуць з'яўляцца ў гэтай галерэі, паходзяць з калекцыяў аматараў гісторыі Горадні Алеся Госцева, Фелікса Варашыльскага, Янкі Лелевіча, а таксама з перыядычных выданняў і інтэрнэт-рэсурсаў. Горадня на малюнках Напалеона Орды 12 сакавіка 2008 года Якасная электронная падборка ўсіх вядомых сёння малюнкаў Напалеона Орды з выявамі Горадні, подпісамі да іх, а таксама фотаздымкамі з сучасным выглядам мясцін, намаляваных Ордам амаль 150 гадоў таму Глядзець Якой была Савецкая плошча (паводле паштовак пач. ХХ стагоддзя) Глядзець

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў