Віктар Саяпін - лаўрэат прэміі Юзафа Ядкоўскага за 2013 год! - harodnia.com

9-10 лістапада ў Гродна прайшла VI міжнародная навуковая канферэнцыя «Гарадзенскі соцыум: гісторыя і памяць», прысвечаная памяці гісторыка Міхася Чарняўскага. Напрыканцы першага дня канферэнцыі быў аб'яўлены лаўрэат прэміі імя Юзафа Ядкоўскага¹ за 2013 год - Віктар Саяпін.

Віктар - вядомы гарадзенскі краязнаўца, аўтар вялікай колькасці артыкулаў і кніг па гісторыі горада. Прэмію Віктар Саяпін атрымаў з рук мінулагодняга пераможцы - знанага гарадзенскага краязнаўцы і педагога Алеся Госцева:

Віктар Саяпін і Алесь Госцеў на ўручэнні прэміі Ядкоўскага. Гродна, 9 лістапада 2013 года

Відэа ўручэння прэміі Ядкоўскага:

Юзаф Ядкоўскі - заснавальнік гістарычнага музея ў Гродна

Юзаф Ядкоўскі (1890-1950)

Заснавальнік Гродзенскага гісторыка-археалагічнага музея. Па ініцыятыве Ядкоўскага ў 1930-я гг. былі праведзены археалагічныя даследаванні Старога Замка, якія выявілі рэшткі сярэднявечнага горада і сталі пераканаўчым сведчаннем аб тым, што летапісны "Городен" - гэта і ёсць Гродна.

^{1. Прэмія імя Юзафа Ядкоўскгаа ўручаецца асобам, творчая дзейнасць якіх паспрыяла вывучэнню і папулярызацыі гарадзенскай мінуўшчыны, а таксама захаванню прыроднай і гісторыка-культурнай самабытнасці Гродна і рэгіёну.}