|
Развітанне з Магістратам – чарговы падман гарадзенцаў
11 ліпеня 2007 года
“Рэканструкцыя” Савецкай вуліцы паднесла гарадзенцам новы сюрпрыз. Бардзюры з надпісам “Магістрат горада Гродна” насуперак ранейшым абяцанкам ўжо не будуць вернутыя на вуліцу.
Калі ўлады пачалі развальваць тратуары вуліцы Савецкай, у гарадзенцаў адразу паўстала пытанне: куды падзенуцца знакамітыя бардзюры з надпісам “Магістрат Гродна”, некалькі дзясяткаў (дакладная лічба – 44), якіх упрыгожвалі вуліцу ад Дамініканскай гімназіі да ўнівермага. Быццам зубы дракона выдраныя трактарам ляжалі яны навокал. Па словах прарабаў, што кіравалі працамі, бардзюры павінны былі быць пастаўлены назад пасля рамонту тратуара. Тое самае сведчыла і вялікая шыльда, усталяваная “горадабудаўнікамі” ў вакне аднаго з дамоў.
Як аказалася, гэта была новая хлусня гарадскіх архітэктараў. 11 ліпеня ў газеце “Вячэрні Гродна” быў надрукаваны артыкул І. Астраўцовай пад назвай «На Советской укладывают гранит», у якой журналістка паведаміла: “А вот старинных бордюров с клеймом гродненского магистрата в историческом центре мы уже не увидим. Они переданы по описи для повторного использования и в качестве “бэушного” материала в жилые микрорайоны.”
Атрымоўваецца, нас ізноў падманулі. І прыгожая вывеска па вул. Савецкай, якая быццам павінна была паказаць гарадзенцам, што ўлады клапоцяцца менавіта пра гістарычную рэканструкцыю цэнтра, аказалася ўсяго толькі падманам. Паведамленне аб тым, што старыя гарадзенскія ратрытэты, бардзюры, якія прастаялі 70 гадоў і прастаялі б ячшэ столькі ж, перададзены ў нейкія там мікрараёны, безумоўна, пустая адгаворка. Ёсць усе падставы баяцца таго, што гарадскія ўлады рыхтуюцца да зняцця бруку з вуліцы Савецкай і замены яго на шэрую бетонную плітку. У выпадку гэтага самая прыгожая і каларытная вуліца старой Горадні проста перастане існаваць як нейкі турыстычны аб’ект.
| |
Пашпарт рэканструкцыі вуліцы, на якім дэкларуецца, што гістарычныя бардзюры будуць захаваныя
|
|
Чытайце таксама:
11.07.2007 Улица, одетая в камень
Апошнія каментарыі:
|
|
Hlopcy, terminova pishyce skarhu u prakuraturu (+ kopii u vykankamy, administracyju prezidenta, dzjarzhkantrol) z vykladannem usih faktau pa hetaj sprave (u t.l. koipiju artykula z VG). Marzaliuk u Mahileve na KOZHNAE parushenne adrazu pisha skarhi i heta dae peunyja stanochyja vyniki. |
Праглядзець усе выказванні (Усяго 1)
|
|
|
|
|
|
|
|
|
|
Лірыка...
Ноччу аўтобус
коціцца да мяжы
там – радзіма мая
ды старыя крыжы
там Гародня мая
на мяне пазірае
і я ў позірку бачу:
яна - памірае.
парабілі ёй раны
на целе кабеце
паўтыркалі ёй краны
шкадлівыя дзеці
валасы павырвалі
запэцкалі грудзі
я баюся, Гародня -
бо гэта Ня Людзі!
Міхаліна Кастрычнік
|
Дасылайце свае вершы пра Гародню
|
|
Помнік
| |
Вул. Віленская
|
|
|
|
Слаўнае імя
Буйло Станіслава Антонаўна, Буйлянка (? – к. лютага 1922)
настаўніца, жонка дырэктара Гродзенскай беларускай гімназіі, загадчыца Гродзенскага беларускага дзіцячага прытулку |
Прапановы па развіцці транспартнай сістэмы горада Гродна
Гродна, люты 2007 года
Гарадзенскімі і менскімі гісторыкамі падрыхтаваны альтэрнатыўны праект уладкавання транспартнай сістэмы ў гістарычным цэнтры Гродна
Глядзець
|
Чытайце ў Бібліятэцы
Рэцэнзія гісторыка Юры Гардзеева на кнігу Ю. Кішыка «Горадабудаўнічая культура Гродна»
25 красавіка 2008 года
Юры Гардзееў. Ю.Н. Кишык, Градостроительная культура Гродно, Минск, 2007, 303 с.
Глядзець
|
Вядомыя людзі пра "рэканструкцыю"
Сяргей Фінскі, гурт “Айша”:
Да “рэканструкцыі” стаўлюся, канешне, адмоўна. Праблемы з транспартам неабходна вырашаць, але не знішчаць дзеля гэтага старыя будынкі. Неабходна знайсці баланс. Грамадскія ініцыятывы – гэта здорава. Аднак, можа, варта замест трох дробязных неэфектыўных рэчаў зрабіць адну эфектыўную? Падключыць ЮНЭСКА, напрыклад. Заангажаваць чыноўніка...
Меркаванні збіраюцца моладзевай інтэрнэт-газетай “Твой стыль”
|
|
“Гістарычная памяць - гэта падмурак патрыятызма і любові, падмурак шляхетнага пачуцця любові і павагі чалавека да сваёй Бацькаўшчыны. Нам добра вядома, да чаго можа прывесці занядбанне гістарычнага мінулага, таптанне правераных стагоддзямі маральных каштоўнасцяў, на якіх трымаецца пераемнасць пакаленняў. Непазбежным наступствам гэтага занядбання памяці з'яўляецца разбурэнне дзяржаваў і гуманітарныя катастрофы, якія прыводзяць да чалавечых ахвяраў, шматлікіх трагедый у лёсах людзей і цэлых краін”
А.Р. Лукашэнка
з прамовы падчас асвячэння ракі святой Ефрасінні Полацкай
|
|
|
Рэканструкцыя - аднаўленне чаго-небудзь па апісаннях ці рэштках, якія захаваліся
(Тлумачальны слоўнік беларускай літаратурнай мовы, 1999)
|
|
|
|
