Круглы стол у адказ гарадскім уладам 22 чэрвеня 2007 года Грамадскасць гатовая да дыялогу з уладамі, улады на дыялог ісці нават не думаюць. 21 чэрвеня адбыўся круглы стол пад назвай “Каму патрэбна разбурэнне Гародні?” Ён быў зладжаны прадстаўнікамі грамадскасці Горадні як круглы стол у адказ псеўдакругламу сталу, які меў месца 7 чэрвеня. Варта заўважыць, што ўваход на гэты круглы стол быў абсалютна свабодны, у адрозненне ад таго круглага стала, што праходзіў 7 чэрвеня як “унутрыўніверсітэцкае мерапрыемства”. Гэтым скарысталіся ўсе жадаючыя (на круглым стале прысутнічала больш 60 чалавек). Апроч гісторыкаў і журналістаў у ім прынялі ўдзел гарадзенскія экскурсаводы (сп. Кірэеў), некалькі архітэктараў (А.Пархута і інш.), а таксама простыя жыхары тых дамоў, якія прызначаныя да зносу. На круглы стол не з’явіўся ніхто з гарадскіх уладаў, не прыйшоў галоўны архітэктар Анісімаў, не прыйшлі і кіраўнікі гродзенскага ўніверсітэту (Нечухрын, Бадзюкова, Ярмусік), хаця ўсе атрымалі персанальныя запрашэнні. Не з’явіліся і тыя студэнты “арганізатары круглага стала 7 чэрвеня”, якія заклікаюць да актыўнага дыялогу з уладамі. Каментары тут непартэбныя. Больш таго сп. Бадзюкова напярэдадні асабіста забараняла выкладчыкам універсітэта наведваць гэты груглы стол, хаця некалькі чалавек усё ж прыйшлі (сп. Соркіна, Токць і інш.), а сп. Швед на круглым стале нават выступіў. Удзельнікі круглага стала 21 чэрвеня прынялі зварот да кіраўніцтва рэспублікі з просьбай разабрацца з сітуацыяй вакол разбурэння гістарычнага цэнтра Горадні, запатрабавалі ўвядзення конкурса на стварэнне архітэктурных праектаў для цэнтра горада (сёння архітэктурныя праекты для горада з’яўляюцца выключнай прэрагатывай Анісімава і гарадской адміністрацыі), прапанавалі адмовіцца ад ідэі рэканструкцыі Старога моста (паводле апошняй інфармацыі ў планах гродзенскіх архітэктараў не толькі замена перакрыццяў моста, праезжай часткі, але і частковы дэмантаж быкоў моста, што з’яўляецца: 1. Парушэннем заканадаўства (быкі ацалелі з 1907 г. і з’яўляюцца помнікам архітэктуры) 2. Значна павысіць кошт моста, гэта будзе не Стары, а ў пэўным сэнсе Новы мост 3. Доказам некампетэнтнасці гарадзенскіх архітэктараў, паколькі нават аб частковым дэмантажы быкоў раней размовы не было). Чытайце таксама: 13.06.2007 Улада просіць дыялёгу 07.06.2007 Круглы стол за зачыненымі дзвярыма Дадаць каментарый Імя*: E-mail: Каментарый*: сем шэсць тры шэсць - увядзіце гэты код лічбамі (цифрами)* * - палі, абавязковыя да запаўнення Апошнія каментарыі: r 30-06-2007, 18:53 Я б таксама хацеў пабываць на гэтым круглым стале. Але я пра яго правядзеньне ўвогуле нічога ня ведаў. І пытаньне да аўтара: вы кажаце, што "не з’явіліся і тыя студэнты арганізатары круглага стала 7 чэрвеня, якія заклікаюць да актыўнага дыялогу з уладамі". А ці былі запрошаныя і яны? Ці яны з дапамогай тэлепатыі павінныя былі здагадацца аб правядзеньні стала? чытар 26-06-2007, 22:56 чытайце навіну па гэтай тэме на сайце часопіса Міністэрства Архітэктуры "Архитектура и Строительство" www.ais.by Праглядзець усе выказванні (Усяго 2)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў