|
Невялічкая перамога
5 лістапада 2009 года
Дырэкцыя кінатэатра «Чырвоная Зорка» зняла ганебную шыльду на будынку.
Матэрыял, прысвечаны халатнасці гродзенскіх чыноўнікаў у справе надпісаў на ахоўных шыльдах помнікаў архітэктуры горада, не застаўся не пачутым. Адгукнуліся найперш грамадзяне і журналісты СМІ. Нехта з грамадзян напісаў ліст у «Гродзенскую праўду». Тая адгукнулася словамі чыноўніка, які звёў свой адказ да наступнага – калі напісана, што кінатэатр пабудаваны ў 1890 годзе, то, значыць, гэта праўда. Ну але што дзіўнага, гарадзенскі чыноўнік можа нават запярэчыць законам Ньютана, калі яму толькі загадаюць гэта зрабіць. Больш акуратную пазіцыю заняла таварыш Сенчанкова (намеснік старшыні гарвыканкама, прыйшла на месца «рэканструктара» Кунаша). Тая патлумачыла, што ўыльды ўсталёўваюць адказныя ўласнікі будынкаў, таму ўлада да памылак ніякага адношання не мае. Няпраўда канешне. Усім вядома, што і на Савецкай і на Замкавай шыльды ўсталёўваліся цэнтралізвана, па загаду гарвыканкама. І тым не менш ад адной арганізацыі была такі нармальная рэакцыя: ёю аказалася дырэкцыія кінатэатра «Чырвоная Зорка». Дырэктарка ў размове з журналісткай ВГ патлумачыла: «Так, змарозілі глупства». І праз дзень шыльда знікла. Спадзяемся хутка з’явіцца новая з больш праўдзівым тэкстам. Застаецца толькі пашкадаваць, што далёка не ўсе арганізацыі так клапоцяцца пра свой імідж і аўтарытэт, як гэты кінатэатр. Можам яго кіраўніцтву толькі падзякаваць.
Чытайце таксама: 8.09.2009 Першы кінатэатр у свеце быў пабудаваны ў Гродна
|
|
|
|
|
|
|
|
|
Лірыка...
|
Каложа
|
І
Дзень асеньні ішоў,
Да сярэдзіны, пэўна,
Серабрысты і сьпеўны
Між дрыготкіх дажджоў.
Парк суцішна дыхаў,
Спадарожнічаў дожджык…
Асьцярожна і ціха
Я прыйшла да Каложы.
ІІ
Яшчэ на гольлі вільгаць засталася.
У лісьце пахаваныя сьляды.
Алень драўляны на іканастасе –
Чыясь душа – схіліўся да вады.
І што мне, што знадворку непагода,
Што дождж па сэрцы коламі прайшоў?..
А голас сьвятара ляцеў свабодна
І зноў вяртаўся ад галасьнікоў.
ІІІ
Магчыма, самае прыватнае жаданьне,
Якое ўслых ня варта прамаўляць:
Калі пачнецца Суд,
Калі ў празрыстым раньні
Праз далеч сінюю труба пачне склікаць,
І страчаны Сусьвет
Паўстане ў новай сіле.
Душа і цела
Зьвяжуцца нанова –
Дай мне пачуць Твае сьвятыя словы:
"Дарую грэшным,
Бо яны любілі."
IV
Я думала: калі б застацца зараз
У восені, ўрачыстай і прыгожай,
Калі ўсё, усё зьмясьціцца можа
І апраўдацца для тваёй душы –
Асьветланай, усё пакінуць зараз!..
Ды смутак невымоўны
Ў дрэве кожным,
І парк мяне праводзіць ад Каложы.
І варта
Жыць.
Ганна Аўчыннікава
|
Дасылайце свае вершы пра Гародню
|
|
Помнік
| |
вул. Гараднічанская 23
|
|
|
|
Слаўнае імя
Бергман (Кучкоўская) Аляксандра Рыгораўна (1.05.1906 – 2006)
актывістка камуністычнага руху Заходняй Беларусі, даследчыца рэвалюцыйна-вызваленчы рух Заходняй Беларусі ў 1920-30-х гадах |
Чытайце ў Бібліятэцы
Юзаф Ядкоўскі. Падземны Гродна
9 красавіка 2009 года
Знаёмім чытачоў з актуальным і сёння артыкулам Юзафа Ядкоўскага.
Глядзець
|
|
Рэканструкцыя - аднаўленне чаго-небудзь па апісаннях ці рэштках, якія захаваліся
(Тлумачальны слоўнік беларускай літаратурнай мовы, 1999)
|
|
|
|
