Фотавандроўка па Новым Свеце 6 красавіка 2008 года Выдатна разумеем, што пераканаць рашучых аматараў шматпавярховікаў і прыхільнікаў таленту спадароў Анісімава і Дзяшко ў неабходнасці шанаваць архітэктурную спадчыну нашага горада гэтыя фотаздымкі не змогуць. Для іх гэтыя цагляныя і драўляныя асабнячкі, багата аздобленыя драўлянай разьбой і каванымі ганкамі, так і застануцца “памыйнымі халупамі”, як гэта часта даводзіцца чытаць, наведваючы старонкі гарадзенскіх блогаў. Што ж, у кожнага часу свае героі і бажкі. Але ўсё ж, спадзяемся, што хтосьці паглядзіць на гэты раён горада (усе здымкі зроблены на вуліцах Славацкага, Рэйманта, Бялінскага, Горкага, Міцкевіча і Рэйманта) крыху іначай, па-новаму, а, можа, і сам наведаецца туды, паразмаўляе з жыхарамі, паглядзіць на першую лістоту маладых і старых дрэваў. Сёння Новы Свет – самы гарадзенскі раён Гродна, тут няма пліткі, тут засталіся старыя дрэвы, тут галасамі сучасных яго жыхароў гавораць яго ранейшыя жыхары: беларускі паэт Максім Багдановіч, стваральнік музея прыроды Станіслаў Жыўна, заснавальнік заапарку Ян Каханоўскі і сотні іншых – беларусаў, татараў, палякаў, жыдоў… Пачуйце гэтыя галасы, зайдзіце ў дворыкі, бо Гродна насамрэч ніколі не будзе “музеем пад адкрытым небам”, бо на чарцёжных дошках гродзенскага “Грамадзянпраекта” ўжо нарадзіўся план рэканструкцыі гэтага раёна, а гарадзенскія чыноўнікі вядуць перамовы з ўрадам Масквы, каб забудаваць пагоркі над старой рэчкай Юрыздыкай “домами в 4-5 этажей и повышенной комфортностью квартир.” Дадаць каментарый Імя*: E-mail: Каментарый*: пяць чатыры восем тры - увядзіце гэты код лічбамі (цифрами)* * - палі, абавязковыя да запаўнення Апошнія каментарыі: Валерий 03-06-2008, 14:44 А чтто вы хотите от временщиков? Наталля 06-04-2008, 22:50 Вялікі дзякуй за фоткі. Божа ж мой, якая прыгажосць і якая занядбанасць! Мілая Гародня. Трэба было б спытаць ва ўладаў, чаму яны столькі часу тлумачылі жыхарам Новага свету, что ён будзе разбураны, забаранялі прапіску ды продаж дамоў. Не дазвалялі гаспадарам гаспадарыць. Ці для таго, каб захапіць усё гэта ды прадаць самастойна для разбурэння? Праглядзець усе выказванні (Усяго 2)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў