|
Гарадзенскіх гісторыкаў Алеся Смаленчука і Алеся Краўцэвіча выкінулі з праграмы юбілейнай канферэнцыі
5 красавіка 2008 года
10 красавіка ў Гродзенскім універсітэце імя Янкі Купалы пройдзе канферэнцыя, прысвечаная 880-годдзю Гродна (якое, дарэчы, было ў мінулым годзе). Паколькі канферэнцыя фінансуецца гарвыканкамам, то складанне яе праграмы таксама праводзілася пад кантролем гарадскіх чыноўнікаў.
Першапачаткова з праграмы была выкінута большая частка пленарнага паседжання, тая, дзе пасля афіцыйных віншаванняў, ішлі навуковыя даклады. Пасля пад усціскам гарвыканкама з праграмы канферэнцыі наогул былі выкінуты імёны беларускіх даследчыкаў, якія найбольш актыўна праявілі сябе ў справе абароны гістарычнага цэнтра Гродна: доктара гістарычных навук, былога прарэктара ГрДзУ А.Краўцэвіча (археолага, аўтара манаграфіі аб стварэнні ВКЛ, складальніка мапы археалагічнай ахоўнай зоны Гродна) і доктара гістарычных навук Алеся Смаленчука, аднаго з ініцыятараў спробы правесці гарадскі рэферэндум у справе пабудовы чацвёртага моста. Затое ганаровы даклад на канферэнцыі будзе чытаць адзін з галоўных “рэканструктараў” горада галоўны архітэктар горада Ул.Анісімаў.
Апошнія каментарыі:
|
|
Ці наўрад заплачуць Смалянчук ды Краўцэвіч, бо з такімі анісімавымі сядзець побач - толькі пэцкацца. Грош цана такой канферэнцыі, калі на ёй не будзе гэтых выдатных вучоных.
Вялікі дзякуй Алесям за цвёрдую пазіцыю па ахове нашай Гародні. |
Праглядзець усе выказванні (Усяго 1)
|
|
|
|
|
|
|
|
|
|
Лірыка...
Ноччу аўтобус
коціцца да мяжы
там – радзіма мая
ды старыя крыжы
там Гародня мая
на мяне пазірае
і я ў позірку бачу:
яна - памірае.
парабілі ёй раны
на целе кабеце
паўтыркалі ёй краны
шкадлівыя дзеці
валасы павырвалі
запэцкалі грудзі
я баюся, Гародня -
бо гэта Ня Людзі!
Міхаліна Кастрычнік
|
Дасылайце свае вершы пра Гародню
|
|
Помнік
| |
вул. Урыцкага 5
|
|
|
|
Слаўнае імя
Крэчэўскі Пётр Антонавіч (7.08.1879 – 8.03.1928)
старшыня Цэнтральнай беларускай гандлёвай палаты, адзін з лідэраў БПС-Ф |
Прапановы па развіцці транспартнай сістэмы горада Гродна
Гродна, люты 2007 года
Гарадзенскімі і менскімі гісторыкамі падрыхтаваны альтэрнатыўны праект уладкавання транспартнай сістэмы ў гістарычным цэнтры Гродна
Глядзець
|
Чытайце ў Бібліятэцы
Ю. Егоров. Градостроительство Белоруссии. Москва 1954
Глядзець
|
Вядомыя людзі пра "рэканструкцыю"
 Алег Хаменка, лідэр гурта “Палац”:
Лічу, што старыя мясціны ў Гродна неабходна захаваць у якім заўгодна выглядзе! Руйнаваць у цэнтры тое, што зручна нейкім людзям на сённяшні момант – гэта, напэўна, не самы лепшы варыянт. Чаму не можа быць каля “Азота” самых сучасных хмарачосаў? Мне здаецца, што там людзей праязджае больш, чым па самім Гродна. Там можа быць сіці-цэнтр. А стары горад пакіньце, бо гэта ўсё ж такі культура краіны.
Меркаванні збіраюцца моладзевай інтэрнэт-газетай “Твой стыль”
|
|
“Гістарычная памяць - гэта падмурак патрыятызма і любові, падмурак шляхетнага пачуцця любові і павагі чалавека да сваёй Бацькаўшчыны. Нам добра вядома, да чаго можа прывесці занядбанне гістарычнага мінулага, таптанне правераных стагоддзямі маральных каштоўнасцяў, на якіх трымаецца пераемнасць пакаленняў. Непазбежным наступствам гэтага занядбання памяці з'яўляецца разбурэнне дзяржаваў і гуманітарныя катастрофы, якія прыводзяць да чалавечых ахвяраў, шматлікіх трагедый у лёсах людзей і цэлых краін”
А.Р. Лукашэнка
з прамовы падчас асвячэння ракі святой Ефрасінні Полацкай
|
|
|
Рэканструкцыя - аднаўленне чаго-небудзь па апісаннях ці рэштках, якія захаваліся
(Тлумачальны слоўнік беларускай літаратурнай мовы, 1999)
|
|
|
|
