Сацыялістычная 44 – шэдэўр гарадзенскага мадэрна 26 сакавіка 2008 года Лёс будынка па Сацыялістычнай 44 выклікае ў гарадзенцаў усё большую занепакоенасць. Як будуць “рэстаўраваць” гэты дом яго новыя ўладальнікі? Дом па Сацыялістычнай 44 – помнік рэспубліканскага значэння ІІ катэгорыі. Гэта значыць, што любыя змены ў гэтым будынку, якія прывядуць да значнай змены яго знешняга выгляду ці аўтэнтычнасці, караюцца па закону. Тым не менш, год таму падчас навукова-метадычнай рады ў Горадні мэр горада А.Антоненка прапанаваў знесці гэты дом да ўзроўню першага паверха і пабудаваць на яго месцы нешта падобнае. Сэнс, які хаваецца за гэтымі словамі, вельмі дакладны – адзін з унікальных помнікаў гарадзенскай архітэктуры будзе заменены складзеным з сілікатных блокаў муляжом. Дэталі ляпніны на будынку, якія ўласна і складаюць галоўную каштоўнасць гэтага дома, рабіліся па невядомай зараз тэхналогіі. Ніхто з гарадзенскіх ці нават беларускіх будаўнікоў не зможа іх аднавіць. Будынкаў з такой ляпнінай у горадзе ўсяго 3-4, у Беларусі магчыма 20. Хутчэй за ўсё рабілі яе заліваючы цэментную масу ў спецыяльныя гіпсавыя формы, якія рабіліся майстрамі індывідуальна для кожнага дома і таму так дорага каштавалі. Сёння польскія рэстаўратары ў выпадку неабходнасці аднаўлення такой ляпніны проста робяць злепкі з яшчэ існуючых дамоў. Мы ж дом з такой, трэба сказаць, вельмі трывалай ляпнінай, збіраемся зносіць. Але знешні дэкор дома – гэта не адзіная яго цікавасць. Паглядзіце на фотаздымкі інтэр’ераў: дэталі карнізаў печкі, ляпныя разеткі на столі (яны выкананы з гіпсу і сёння ніхто не зробіць нічога падобнага) і… фрэскі, якімі былі памаляваны жылыя пакоі дома. Пры адпаведным фінансаванні захаванне гэтых фрэсак і ляпніны не складуць вялікай праблемы для прафесіяналаў-рэстаўратараў. Падымаемся на паддашша дома, палова трэцяга паверха зроблена як жылая кватэра (можа, для прыслугі) з акенцам, з якога бачны Фарны касцёл і бясконцыя палі за ім, а палова – гэта звычайнае паддашша, з незвычайным аднак, “ламаным” дахам. Ужо першы погляд на кроквы дома дазваляе зрабіць выснову, што яны “жывыя”, г.зн. не закранутыя плесняй і вільгаццю. Такім чынам, ў гэтага дома не трэба нават ламаць кроквы, а толькі перакрыць дах. Гэта тычыцца, дарэчы, усіх канструкцый будынка, ніякіх трэшчынаў, што разбуралі б яго нясучыя канструкцыі, у гэтым доме проста няма. Домік на Сацыялістычнай 44 павінен стаць прыкладам узорнай рэстаўрацыі, якую калісьці трэба пачынаць у гэтым горадзе. Калі захаваць і аднавіць усе дэталі інтэр’еру і экстэр’еру гэтага будынка (каваныя балконы, ляпніну ўнутры і звонку, фрэскі, печкі і г.д.), то будынак гэты можа служыць самым выключным мэтам. Напрыклад, менавіта ў гэтым будынку можна размясціць музей гарадскога побыту, бо ў фондах гродзенскіх музеяў акурат набярэцца экспанатаў, каторымі можна будзе абставіць некалькі пакояў выключна рэчамі ў стылі “мадэрн”. На першым паверсе можа быць музеефікаваная кавярня ў стылі пачатку ХХ ст., бо і фотаздымкаў такіх гарадзенскіх кавярняў засталося нямала. Але самае галоўнае – захаваць арыгінальнасць гэтага будынка, і праходзячы міма яго ведаць, што ён сапраўды пабудаваны з цэглы ў пачатку ХХ ст., а не з сілікатных блокаў пачатку ХХІ стагоддзя. Ці будзе гэты будынка захаваны насуперак планам нашых “горадабудаўнікоў”, залежыць толькі ад гарадзенцаў. Фотаздымкі А.Шулаева Дэкор будынка Карніз печкі Арачныя перакрыцці Элементы ляпніны Фрагменты фрэсак Жылы дом па вул. Гарохавай (Сацыялістычная) №44, 1910 г. (фасад). З кнігі Ю.Кішыка “Градостроительная культура Гродно” Чытайце таксама: 24.11.2007 З’явілася выдатная кніга пра Гродна 15.11.2007 Аукцыён па продажы гістарычных будынкаў 12.08.2007 Аб усім патроху, або хлусні становіцца ўсё больш. 22.05.2007 “Новая перспектива старого Гродно”. Камэнтары да артыкулаў у “Гродзенскай праўдзе” і “Вечернем Гродно” 15.05.2007 Адказ “Советской Белоруссии”, Кацынелю, Анісімаву і іншае… 19.04.2007 Навукова-метадычная здрада Дадаць каментарый Імя*: E-mail: Каментарый*: пяць пяць чатыры сем - увядзіце гэты код лічбамі (цифрами)* * - палі, абавязковыя да запаўнення Апошнія каментарыі: Мiкола з Гароднi 20-04-2008, 17:00 А вот рокировка кадров, кажется, благоприятно действует на облик Могилева. Пусть и новодел, а свою ратушу они поднимают... молодцы! Интересно, смогут ли пойти на это месные власти по отношению к фаре Витовта, или уже на сегодняшний день она сидит на "великом транспортном пути-повороте" и не вписывается в "исторический" облик центра города???...!!! Владимир 04-04-2008, 01:25 Да, довеcти уникальное здание до такого состояния могут только враги. Хотя городские власти сегодня и есть главные враги гродненской старины. Всех их надо привлекать к уголовной ответственнрости за уничтожение нашего исторического наследия. Мiкола з Гароднi 27-03-2008, 21:15 Работы конечно достаточно, но объект мне знаком с детства и материалов по нему, я думаю, хватает. В 100% необходимо сохранить для города и обязательно реставрация в полном смысле этого слова; если учесть что объектов в таком состоянии по пальцам пересчитать можно... Кстати об ограждениях. Пионеры в мое время их не трогали собирая металлолом, т.ч. придется их поискать у повзрослевшей чати-(возможно где,надеюсь понятно), и попробовать поработать в конце-концов с ЗАКОНОМ. Да и провели эту варварскую реставрацию, как видно по фотографиям, совсем-то недавно... Праглядзець усе выказванні (Усяго 4)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў