|
Свяцк – разбурэнне працягваецца
10 лютага 2008 года
Разбураецца самы прыгожы і каштоўны помнік архітэктуры ў ваколіцах Горадні, наш Нясвіж – палацавы комплекс у Свяцку
Становішча Свяцка сёння наступнае. Прыкладна год таму маёнтак быў перададзены на баланс упраўлення адукацыі гарадзенскага райвыканкама. Начальнік упраўлення спадар Саўцоў быў катэгарычна супраць, і гэта зразумела, нашто яму будынак, які ніколі не будзе выкарыстаны як навучальная ўстанова. Але “спіхнуць” палац з сябе не ўдалося, таму ўпраўленне адукацыі выбрала самую лепшую сёння тактыку – пра ўсё забыцца і цягнуць час, чакаць, калі палац, нарэшце, прададуць, а да гэтага не траціць на яго ні капейкі. За гэты год Саўцоў быў у Свяцку толькі адзін раз. Пахадзіў, паглядзеў і … паехаў у Горадню.
Патраціць якіх тры-чатыры мільёны на ўладкаванне зліўнікоў упраўленне не хоча, бо адкуль гэтыя грошы ўзяць. Між тым інстанцыі па ахове помнікаў (раённыя і абласныя), не надта і ціснуць, маўляў, распрацоўваецца праектная дакументацыя. Асабліва “шчыруе” ў справе аховы Свяцка спецыяліст па ахове помнікаў гарадзенскага райвыканкама сп.Рамановіч. Свяцк развальваецца на вачах, але ні дакументацыі ні грошай на палац няма.
Між тым нават у параўнанні з красавіком мінулага году страты палаца відавочныя. Абмываемыя дажджавой вадой сцены палаца настолькі абсыпаліся, што літаральна сёння-заўтра могуць абваліцца ў некалькіх месцах. Вада прасочваецца праз сцены і цячэ па столі ўнутры пакояў. Самае горшае, што калі грыбок і вільгаць трапяць на моцныя двухсотгадовыя драўляныя перакрыцці палаца, спыніць разбурэнне будзе амаль немагчыма. Тое, што сёння каштуе для краіны некалькі мільёнаў рублёў, рызыкуе абярнуцца стратай помніка ці затратамі ў аб’ёме сотняў тысяч даляраў. Чыноўнікі чакаюць, што за гэта ўсё заплоціць багаты замежнік. Краіна няведама ад каго чакае ласкі, патануўшы ў паперах і бюракратычнай валтузні, якая нашай спадчыне абыходзіцца ўсё даражэй і даражэй.
Чытайце таксама: 30.01.2008 Абваліўся кавалак сценкі Старога Замка 26.01.2008 Марудная смерць помнікаў: Станіславова 15.04.2007 Палац Валовічаў у Свяцку развальваецца на вачах (Фотахроніка) 30.12.2006 Ці памаладзее калі-небудзь Стары Замак?
Апошнія каментарыі:
|
|
Jak 6kada 6to ni4oga dagetul' nie zmianilasia!
Kolki bylo gavorki 4to ulady pa4ynajuc' budavac' infrastrukturu dla Augustouskaga kanal i naogul razvivac' turyzm u getaj 4astcy garadien64yny...
A usio jak bylo tak i zastalosia! |
|
|
Kudy hljadzic prakuratura??? |
Праглядзець усе выказванні (Усяго 2)
|
|
|
|
|
|
|
|
|
|
Лірыка...
|
Гародня
|
Сьвятлом сваіх вокнаў ня грэюць
дамоў непрыгожыя скрынкі.
Заснула пад сьнегам Гародня,
хай сьніцца ёй травеньскі дождж.
Стаяць, як капліцы старыя,
маркотныя будкі прыпынкаў.
Тралейбус, пусты і халодны,
ляціць у бязьлюдную ноч.
У цемры, сьляпой і марознай,
пішчаць правады, нібы ведзьмы,
ляжаць у маўчаньні пакорным
дарог ледзяныя крыжы.
Такімі хвілінамі можна
любіць і ў той час ненавідзець,
нібыта жанчыну, свой горад,
знаёмы і разам чужы.
Анатоль Брусэвіч
|
Дасылайце свае вершы пра Гародню
|
|
Помнік
| |
Мадэрн па Сацыялістычнай 44
|
|
|
|
Слаўнае імя
 Рак-Міхайлоўскі Сымон Аляксандравіч (2(14).04.1885 – 27.11.1938)
кіраўнік Цэнтральнай беларускай вайсковай рады, сябра Рады БНР, арганізатар беларускіх пачатковых школ, загадчык беларускімі настаўніцкімі курсамі ў Вільні, заснавальнік Беларускай партыі незалежных сацыялістаў, публіцыст, дырэктар Беларускага дзяржаўнага гістарычнага музея |
Прапановы па развіцці транспартнай сістэмы горада Гродна
Гродна, люты 2007 года
Гарадзенскімі і менскімі гісторыкамі падрыхтаваны альтэрнатыўны праект уладкавання транспартнай сістэмы ў гістарычным цэнтры Гродна
Глядзець
|
Чытайце ў Бібліятэцы
Юры Гардзееў. Да пытання аб гісторыі гродзенскай ратушы (канец XV- XVIII стст.)
Час пабудовы і месцазнаходжання першай ратушы ў Гродна пакуль што канчаткова не высветлена. З прывілея 1496 г. вынікае, што горад атрымаў дазвол на пабудову ратушы.
Глядзець
|
Вядомыя людзі пра "рэканструкцыю"
 Зінаіда Бандарэнка, народная артыстка:
Дзеянні ўладаў выклікаюць толькі абурэнне. Але нельга пакідаць гэта па-за ўвагай. Людзі павінны змагацца за свой горад. Любая спроба грамадства будзе дзейснай, не гледзячы на сенняшнія ўмовы абмежавання свабоды.
Меркаванні збіраюцца моладзевай інтэрнэт-газетай “Твой стыль”
|
|
“Гістарычная памяць - гэта падмурак патрыятызма і любові, падмурак шляхетнага пачуцця любові і павагі чалавека да сваёй Бацькаўшчыны. Нам добра вядома, да чаго можа прывесці занядбанне гістарычнага мінулага, таптанне правераных стагоддзямі маральных каштоўнасцяў, на якіх трымаецца пераемнасць пакаленняў. Непазбежным наступствам гэтага занядбання памяці з'яўляецца разбурэнне дзяржаваў і гуманітарныя катастрофы, якія прыводзяць да чалавечых ахвяраў, шматлікіх трагедый у лёсах людзей і цэлых краін”
А.Р. Лукашэнка
з прамовы падчас асвячэння ракі святой Ефрасінні Полацкай
|
|
|
Рэканструкцыя - аднаўленне чаго-небудзь па апісаннях ці рэштках, якія захаваліся
(Тлумачальны слоўнік беларускай літаратурнай мовы, 1999)
|
|
|
|
