Чаму на Стары мост не пускаюць пешаходаў 24 лістапада 2007 года Гарадзенскія ўлады адмовіліся ад разрэкламаванага плана рэканструкцыі Старога моста “пад старыну”. Сёння рэалізуецца самы прымітыўны, танны і бяссэнсоўны варыянт. Мост зачынены, але не для машын, а для пешаходаў. Такога абсурду ніхто не чакаў, асабліва пасля таго, як тыдні два таму гарадская прэса надрукавала маршруты руху транспарту ў абход Старога моста. Аказалася, маршруты трэба было друкаваць не для тралейбусаў, а для пешаходаў, бо насамрэч яны – “галоўная транспартная нагрузка” Старога моста. Тлумачэнне такой “геніяльнай” вытворчай неабходнасці насамрэч ляжыць на паверхні. Уладам проста трэба неяк абгрунтаваць пабудову не надта таннага пантоннага моста, вось і пагналі на яго людзей. Бо ж пантоннаму мосту доўга не жыць: першы моцны ледаход панясе яго аж пад Літву. А на зачыненне Старога моста на рэканструцыю ўжо не хапае грошай. Ды і зачыняць баяцца, бо разумеюць – транспартнага апакаліпсіса тады ў горадзе не пазбегнуць. Але і гэта таксама не ўсё. З тых работ, якія вядуцца зараз на Старым мосце, сёння можна прыйсці да высновы – ўлады рэалізуюць самы прымітыўны варыянт рэканструкцыі, які быў запланаваны колькі год таму і які проста саромеліся паказваць нават простым гарадзенцам: існуючае дарожнае палатно поўнасцю аддаецца для машын (гэта ўжо не чатыры, як гучна прапаноўвалася раней, а толькі тры паласы). Пешаходы ж будуць хадзіць па тратуарах, падвешаных па-за асноўным палатном на спецыяльных кансолях. У такім выпадку не будзе нават падробкі моста пад запланаваны раней выгляд з металічнымі арачнымі канструкцыямі. Проста танная, так мільярдаў на 15, і правальная ўцэлым справа. Чытайце таксама: 18.10.2007 Апошні раз пра мост Дадаць каментарый Імя: Каментарый: чатыры чатыры восем нуль - увядзіце гэты код лічбамі (цифрами) Апошнія каментарыі: Кир 23-03-2008, 04:34 Рыдалъ! Аффтор тупо не хочет видеть дальше своего носа. Но теперь-то (23 марта) стало ли понятно, что реализуется далеко не самый дешевый вариант? Праглядзець усе выказванні (Усяго 1)

Галоўная | Аналітыка | Артыкулы ў прэсе | Фотахроніка | Галерэя | Слаўныя імёны | Бібліятэка | Гасцёўня | Апошнія каментарыі | Статыстыка наведванняў